4.pasauļa latgalīšu saita dalinīki 2017.goda 6.majā

KONGRESA DORBA KUORTEIBA

REZULUCEJA

Rezolucejis izvārsums

Saīta rezolucejis izpiļdes komitejis nūlykums

Prīkšlykumi Latgolys regiona tautsaimnīceibys atteisteibai

Saīta rezolucejis izpiļdis komitejis darbeibys puorskots par periodu 2017.23.05–2017.02.11


4.pasauļa latgalīšu saīts tīšraidēs:




Latgolys kongresa symtgade

 

4. pasauļa latgalīšu saīts

LATGOLYS SIMTGADIS KONGRESS

Rēzekne, Latgola, Latveja

2017. goda 5.–6. maijs

1917. gods ir bejs izškireigs daudzu Eiropys tautu i vaļstu liktiņūs. Ari Latgolys, kas tūlaik beja Krīvejis imperejis Vitebskys gubernis sastuovā, sabīdryskī darbinīki nabeidze guoduot par latvīšu tautys i vaļsts pastuoviešonu i īspiejamajim atteisteibys vierzīnim. 1917. godā nūtykušys daudzys politiskys apsprīdis i saīti, kurūs analizāti pasauļa procesi, vārtātys sovys tautys izredzis i sovys vaļsts dybynuošonys īspiejis. Latgolai nūzeimeiguokī ir bejuši divi kongresi Rēzeknē: 26.–27. aprelī (piec j. st. 9.–10. majā), kurā vodūšuo lūma beja goreidznīceibai i kurā tyka pījimts viesturisks lāmums atsadaleit nu Vitebskys gubernis i veiduot vīnu vaļsti ar Vydzemi i Kūrzemi, paturūt pošnūsasaceišonys tīseibys tautsaimnīceibys, volūdys i ticeibys vaicuojumūs, i 3.–4. decembrī (piec j. st. 16.–17. decembrī), kur vodūšuo lūma beja strieļnīkim. Ūtruo kongresa rezultatā tyka panuokts, ka tuo laika treis apriņči Rēzeknis, Ludzys i Daugovpiļs teik atdaleiti nu Vitebskys gubernis. Latgolys apreļa kongress ir vīns nu pyrmūs, kas aktualizej kūpejis Latvejis vaļsts ideju i sagatavej politiskū i sabīdryski izgleitojūšū platformu Latvejis vaļsts dybynuošonai 1918. goda 18. novembrī.

Pīmynūt itūs viesturiski navīnnūzeimeigūs i pretruneigi vārtātūs nūtykumus, teik organizāts 4. pasauļa latgalīšu saīts i Latgolys simtgadis kongress.

Pīsokūt temys i izstruodojūt tezis kongresam, prosom puordūmuot i nūviertēt sova pasūlejuma aktualitati konkretys nūzaris i Latgolys regiona atteisteibys kontekstā Latvejis i Eiropys kulturys, izgleiteibys, tautsaimnīceibys telpā. Aicynojam aktivi īsasaisteit mierktīceigu prīšklykumu izstruodē regiona atteisteibys ceļšonai.

Jamūt vārā storpdisciplinarūs pietejumu pīaugumu i svareigumu ari Latgolys regiona problemu rysynuošonā, gaideisim pīsacejumu, kurī respektej myusu dīnu zynuotnis atteisteibys tendeņcis i padzilinoj myusu informieteibu i sapratni humanitarajuos (volūdys, kulturviesturis, folkloristikys, literaturzynuotnis), socialajuos (regionaluo ekonomika, demografeja, uzjiemiejdarbeiba, lykumdūšona, drūšeibys vaicuojumi i c.) i inžinerzynuotnēs (vidis, informacejis tehnologejis, byuvnīceibys i c.).

Kongresā aicynojam pīsadaleit ari politikus i vysaidu nūzaru praktikus — ar referatim, ar lītyskom temom deļ diskuseju. Īcarāts, ka Latgolys atteisteibai aktuali zynuotniskī prīšklasejumi meisīs ar naskaidru voi streideigu vaicuojumu publisku apsprīsšonu, kab kongresa gaitā izstruoduot i apsprīst rezolucejis pamatpunktus i jū beigt ar konkretim prīšklykumim tautsaimnīceibys, drūšeibys, kulturys, izgleiteibys, volūdys i plašsazinis leidzekļu politikys atteisteibai.

Kongresa dorba volūdys — latvīšu, latgalīšu, angļu, krīvu, vajadzeibys gadīnī nūdrūsynojūt tulkuojumu. Kongresā var pīsadaleit ar referatu voi stenda referatu

Referata garums — 30 min.: 20 min. — referats, 10 min. — diskusejis 
Stenda referata prezentaceja — 5 min., 30 min. — diskusejis par 3–5 stenda referatim

Kongresa nūtikšonys vīta — 5. majā Latgolys viestnīceiba „Gors“, Piļs īla 4, Rēzekne; 6. majā — Rēzeknis Tehnologeju akademeja, Atbreivuošonys aleja 115, Rēzekne

 Vārā jamamī laiki:

–      da 2017. goda 1. februara — pīsasacejumu pījimšona

–      da 2017. goda 1. marta — organizacejis komitejis atbiļde par pīsasacejuma i težu pījimšonu voi napījimšonu; organizatoriski preciziejumi

–      da 2017. goda 1. apreļa — težu publiciešona (da 3000 rokstu zeimu, īskaitūt atstarpis)

–      2017. goda 1.–7. maijs — pasauļa latgalīšu saīts

–      2017. goda 5.–6. maijs — kongress

–      da 2017. goda 1. septembra — rokstu padūšona kongresa materialu kruojumam

–      2017. goda oktobris — kongresa rokstu kruojuma izdūšona

–      2017. goda 27. oktobris–2. novembris — VII Letonikys kongress i 10. storptautyskuo latgalistykys konference, Latgolys simtgadis kongresa kruojuma prezentiešona

Kongresa organiziešonys komiteja:

Dr. sc. ing.  Edmunds Teirumnīks RTA rektors, Latgalīšu kulturys bīdreiba (prīšksādātuojs)

Dr. philol. Ilga Šuplinska RTA profesore, Latgalīšu kulturys bīdreiba (prīšksādātuoja vītneica)

Dr. philol. Lideja Leikuma LU profesore

Dr. biol. Arvids Barševskis DU rektors

Dr. hist. Henrihs Soms DU asociatais profesors

Dr. habil. art., Dr. hist. Jurs Urtāns LKA profesors

Dr.habil.art. Ojārs Spāreits Latvejis Zynuotņu akademejis prezidents, LMA profesors

Dr.habil. sc. pol., Dr. iur. Tuolavs Juņdzs — LU profesors, Latvejis Zynuotņu akademeja

Dr.sc.comm. Mārtiņš Kaprāns — KM, kulturys ministris padūmnīks

Karina Pētersone — 12. Saeimys administracejis generalsekretare

Dr. oec. Sandra Ežmale — RSEZ puorvaļdis vadeituoja

Agris Bitāns — zvārynuots advokats

Māris Bozovičs — Latgolys regiona atteisteibys agenturys direktors

Veronika Dundure — Latgalīšu volūdys, literaturys, kulturviesturis asociacejis nūdybynuojuma vaļdis prīšksādātuoja

 

Kongresa organiziešonys komitejis gūda bīdri:

Juoņs Buļs — Rēzeknis-Aglyunys diecezis veiskups

Juoņs Streičs — kinorežisors, muokslinīks

Anna Rancāne — dzejneica, žurnaliste

Anna EglīnaFraņča Trasuna muzeja Kolnasāta organizātuoja i veiduotuoja, kulturys darbineica

Pīters Keišs — pyrmuo pasauļa latgalīšu saītu organizātuojs, sabīdrysks darbinīks

Juoņs Eļksnis — Latgolys Kulturys centra izdevnīceibys vadeituojs

 

Pīteikuma anketys veidlopa atrūnama: https://goo.gl/NrVhCV (LTG)

Pīteikumus kongresam prosom aizpiļdeit elektroniski sātys lopā da 2017. goda 1. februāra 




Taiseits ar Mozello - loboj sātyslopu generatoru.

 .